शिक्षक मतदारसंघ निवडणुकीमध्ये मतदान कसे करावे?

शिक्षक मतदारसंघ निवडणुकीमध्ये मतदान कसे करावे?

How to Vote in Teacher Constituency Election?

मतदान कसे करावे?

• मतदान करण्यासाठी मतपत्रिकेसोबत दिलेल्या जांभळ्या स्केच पेनचाच वापर करावा.
• आपणास दिलेल्या जांभळ्या शाईच्या स्केच पेन व्यतिरिक्त अन्य साधनाने जसे इतर कोणताही पेन, पेन्सिल, बॉल पॉईंट पेन किंवा अन्य साहित्य याद्वारे पसंतीक्रम नोंदविल्यास मतपत्रिका बाद होईल.
• मतदान पसंतीक्रमानुसार असल्याने पहिल्या पसंतीच्या उमेदवाराच्या नावासमोर 1 हा अंक लिहून मतदान करावे. 1 हा अंक फक्त एकाच उमेदवाराच्या नावासामोर लिहावा. या पुढील पसंतीक्रम जसे 2, 3, 4... नोंदविणे ऐच्छिक आहे.
• मतपत्रिकेवर नमुद करावयाचा पसंतीक्रम फक्त अंकांमध्येच (मराठी, देवनागरी, इंग्रजी रोमन किंवा राज्य घटनेतील आठव्या परिशिष्टामध्ये नमुद कोणतीही इतर भारतीय भाषा) नमुद करावयाचा आहे.
• सदर पसंतीक्रम शब्दात (एक, दोन...) लिहू नये.
• पसंतीच्या उमेदवारापुढे “❌", " ✔" असे करू नये.
• मतपत्रिकेवर नाव / एखादा शब्द किंवा कुठेही सही/ अंगठा करू नये.

शिक्षक मतदारसंघ निवडणुकीमध्ये मतपत्रिका बाद केव्हा ठरेल?

• पसंतीक्रम 1 लिहीला नसेल.
• 1 हा पसंतीक्रम एकापेक्षा जास्त उमेदवारास दिला असल्यास.
• पसंतीक्रम 1 नक्की कोणत्याही उमेदवाराला आहे? याचा बोध होत नसल्यास.
• पसंतीक्रम 1 लिहिल्यानंतर त्याच उमेदवारासमोर 2, 3, 4, 5 असे पसंतीक्रम लिहिल्यास.
• पसंतीक्रम शब्दात (एक, दोन... ) असा नोंदविला असल्यास. पसंतीक्रमाबरोबर इतर कुठल्याही प्रकारची खुण असेल (सही करणे, नाव लिहिणे, अंगठा देणे इ.) ज्यामुळे मतदाराची ओळख पटेल.
• मतदान केंद्रावर पुरविलेल्या जांभळ्या रंगाच्या शाई व्यतिरिक्त इतर शाईने पसंतीक्रम लिहिल्यास.

• [message]
• ##check##  वाचकांसाठी महत्त्वाची सूचना
• कुणीही वेबसाईटवरील माहिती आमच्या परवानगी शिवाय प्रसिद्ध करू नये केल्यास कॉपीराइट कायदा 1976 च्या कलम 107 अन्वये नियमानुसार नोटीस देण्यात येईल.